“ကျွန်တော်အမျိုးသမီးက မွတ်ဆလင် ဘုရားမရှိခိုးခိုင်းဖို့ တပ်ထဲမှာလိုက်ပြောတယ်။ဒါကို သူတို့က အယူလားစွဲမသိဘူး ကျွန်တော့အမျိုးသမီး ဘုရားရှိခိုးမှ ဘုရားပန်းလဲမှ ဘုရားစင်က အဆင်ပြေသွားမယ့် ပုံစံကြီးဖြစ်နေတယ် “ CDM ဒုတပ်ကြပ် ကိုအောင်အောင် စစ်တပ်တွင် ၁၅ နှစ်နီးပါးတာဝန်ထမ်းဆောင်ခဲ့သည့် ဟာ မိရိုးဖလာ ဗုဒ္ဓဘာသာဝင်မိသားစုမှ ဆင်းသက်လာတဲ့ ဗမာလူမျိုးတစ်ဦးဖြစ်ပေမယ့် အစ္စလာမ်ဘာသာဝင်အမျိုးသမီးတစ်ဦးကို အိမ်ထောင်ပြုခဲ့လို့ သူတာဝန်ထမ်း ဆောင်နေတဲ့ စစ်တပ်အတွင်း ခွဲခြားဆက်ဆံမှုပေါင်းစုံကို ကလေးငယ်တွေပါမကျန် မိသားစုလိုက်ကြုံတွေ့ ခဲ့ရသူဖြစ်ပါတယ်။ ကိုအောင်အောင်ရဲ့ အစ္စလာမ်ဘာသာဝင် ဇနီးသည် မချိုချိုမြင့်ဟာလည်း စစ်တပ်အတွင်း နေထိုင်စဥ်ကာ လတစ်လျောက်လုံး ဗုဒ္ဓဘာသာဝင်အဖြစ်ကူးပြောင်းကိုးကွယ်ဖို့ အတင်းအကျပ် ဖိအားပေးစေခိုင်းခံရတာတွေ ၊ ဘုရားရှိခိုးရန်ပျက်ကွက်ပါက ပေ ၃၀၀ ခန့်ကျယ်တဲ့ မြေကွက်ကို တစ်ဦးတည်း မြက်ပေါက်ဖို့ အပစ်ပေးခံရတာ စတဲ့ လူ့အခွင့်အရေးချိုးဖောက်ခံရမှုတွေ ကို အကြိမ်ကြိမ်ကြုံတွေ့ခဲ့ရပါတယ်။ ဒီလို လူမျိုးရေး ဘာသာရေးအရ ခွဲခြားဖိနိုပ်မှုတွေကြောင့် ဒုတပ်ကြပ်အောင်အောင်ဟာ ၂၀၂၂ ခုနှစ် မတ်လ ၂၇ ရက်နေ့မှာ အခြားစစ်သည်တစ်ဦးနဲ့ အတူ သေနတ် ၃ လက်ယူဆောင်ကာ လွတ်မြောက်နယ်မြေကို ထွက်ပြေးပြီး CDM လှုပ်ရှားမှုတွင် ပူးပေါင်းခဲ့တဲ့ အကြောင်း ပြောပြထားတာတွေကို ပြန်လည်တင်ဆက်လိုက်ရပါတယ်။ (မှတ်တမ်းရုပ်ရှင်ကို Minority Affairs Institute (MAI Myanmar) က ကူညီပံ့ပိုးပြီး ဖိုတိုဒါနက တင်ဆက်ထားခြင်းဖြစ်သည်။)
